Monday, November 2, 2009

നല്ലത് ...!!!



നല്ലത് ...!!!

നല്ലത് പറയുക
നല്ലത് കാണുക
നല്ലത് ചെയ്യുക
നല്ലത് കേള്‍ക്കുക

അങ്ങിനെ
പറയുമ്പോള്‍
എല്ലാം
നല്ലതുമാത്രമേ ആകാവൂ
എന്നല്ല ...!

എല്ലാറ്റിലും
നല്ലത് കാണണം
എന്നാണ് ...!

എന്നിട്ടും
എല്ലാവരും
കാണുന്നത്
നല്ലതല്ലാത്തതും ...!!!!

വിഡ്ഢി ...!!!



വിഡ്ഢി ...!!!

അറിഞ്ഞുകൊണ്ട്
മറ്റുള്ളവരെ
വിഡ്ഢിയാക്കുന്നവരോ
അറിയാതെ
വിഡ്ഢിയാക്കപ്പെടുന്നവരോ

ആരാണ്
വിഡ്ഢി ...!!!

ക്ഷമ ...!!!



ക്ഷമ ...!!!

മറ്റുള്ളവരോടെ
ഒരിക്കലും
ക്ഷമിക്കാന്‍
കഴിയാത്ത
നമ്മളോട്
എങ്ങിനെ
മറ്റുള്ളവര്‍
ക്ഷമിക്കും ...???


മാറ്റം ...!!!



മാറ്റം ...!!!

അനിവാര്യമാണ്
മാറ്റമെന്ന്
മാറ്റംപോലും
മാറ്റമില്ലാതെ
പറയുമ്പോഴും
മാറ്റമില്ലാതെ
തുടരുന്നതും
മാറ്റം തന്നെ
പിന്നെ എന്തിനാണ്
ഈ മാറ്റം ...???

മണ്ണ് ...!



മണ്ണ് ...!

പുതയും
തോറും
ചൂടെറിയേറി
ഉയിര്‍കൊള്ളുന്ന
ബാഷ്പ കണങ്ങള്‍ ...!

കണ്ണില്‍
പിന്നെ
ചുണ്ടിനു താഴെ
നെഞ്ചില്‍
നാഭിക്കു താഴെയും ....!

എന്നിട്ടും
കിതപ്പോടുങ്ങുന്നില്ല
മനസ്സും
ഉണരുന്നില്ല ...!

ഇനി
ഒരഗ്നികുണ്ടം
തന്നെ
കടലിലോഴുക്കാന്‍
തീരാത്ത
ദാഹം മാത്രവും...!!!!

എന്നിട്ടും
ശാന്തമായി
മണ്ണുമാത്രം
അഭയമായി ....!!!!

പറക്കാന്‍...!!!



പറക്കാന്‍...!!!

ആകാശത്തിലൂടെ
അതിവേഗം
പറന്നു പോകുന്ന
പക്ഷികളെ
നോക്കിനില്‍ക്കവേ
എനിക്കും
വല്ലാത്ത മോഹം

അവയിലോന്നായി
ആകാശത്തിന്റെ
അതിരുകള്‍ വരെ
തളരാതെ പറന്നു
പറന്നു പോകാന്‍ ...!!!

പക്ഷെ
അതിനെനിക്കു
ചിറകുകളില്ലല്ലോ ...???

വയല്‍ ...!!!



വയല്‍ ...!!!

കണ്ണെത്താത്ത
ദൂരത്തോളം
പരന്നു കിടക്കുന്നു
വയല്‍ ...!

നെല്ലും
പിന്നെ
വല്ലപ്പോഴും
ധാന്ന്യങ്ങളും
വിളയിചെടുക്കാന്‍
എപ്പോഴും
തയ്യാറായി ...!

വെള്ളവും
വളവും
പിന്നെ
നിറഞ്ഞ മനസ്സുമായി
ഈ വയല്‍ ...!

പക്ഷെ
എന്റെ കയ്യില്‍
അതില്‍ വിതക്കാന്‍
വിത്തില്ലല്ലോ ...???

പൂക്കള്‍ ...!!!



പൂക്കള്‍ ...!!!

കറുകയാണ്
പൂക്കുന്നതെന്കില്‍
എനിക്കെന്റെ
മോതിര വിരലില്‍ അണിയാം ...!

ഓര്‍ക്കാന്‍
ഒരുപാട് പേരുണ്ടെങ്കിലും
അച്ഛന് വേണ്ടിയാകാം
ആദ്യം ...!

എള്ളാണ്
കായ്ക്കുന്നതെങ്കില്‍
അതും
ഉപകാരപ്രദം...!

അച്ഛന്
ത്രിപ്തിയാവോളം ...!

എന്നാല്‍
ഒന്നും കായ്ചില്ലെന്കിലോ ...???

മുറി ...!



മുറി ...!

മുറിക്കു
വല്ലാത്ത ചൂട് ...!

ജാലക ചില്ലുകളില്‍
വിയര്‍പ്പു കട്ടപിടിച്ചു
പെയ്തൊഴിയാനാകാതെ
വിമ്മിഷ്ട്ടപെടുന്നു ...!

എന്നിട്ടും
കറങ്ങുന്ന
പങ്ക മാത്രം
നില്‍ക്കുന്നില്ല ...!

കാറ്റ്
പുറത്തേക്കു പോകാതെ
അകത്തുതന്നെ
വട്ടം ചുറ്റുകയും
ചെയ്യുന്നു ...!

ശീല്‍ക്കാരങ്ങളില്‍
പോലും
തണുപ്പിന്‍റെ നരച്ച
പുതപ്പ്‌ ...!

നാളെയില്ല
മറ്റന്നാളുമില്ല
ഇന്ന് പിന്നെ
പറയാനുമില്ല ...!

എന്നിട്ടും
മുറി മാത്രം
പിന്നെയും
വിയര്‍ത്തു കൊണ്ടേയിരുന്നു ...!!!

കുതിര വണ്ടി ...!!!



കുതിര വണ്ടി ...!!!

മുകളിലേക്ക് കയറുക
എന്നത് മാത്രമായിരുന്നു
ആ കുതിര വണ്ടിയുടെ
ജോലി ...!

അതൊരിക്കലും
താഴേക്ക് വരുന്നത്
ഞാന്‍ കണ്ടിട്ടില്ല

എന്നിട്ടും
എന്നും രാവിലെ
ഞാനുണരുന്നതിനു മുന്‍പേ
അത് മുകളിലേക്ക്
കയറാന്‍ തുടങ്ങും ..!

അല്ലെങ്കില്‍
എന്നെ ഉണര്‍ത്താന്‍ വേണ്ടി
കിരുകിരുത്ത ശബ്ദമുണ്ടാക്കി
അത് അതിന്റെ ചക്രങ്ങളില്‍
കറങ്ങാന്‍ തുടങ്ങും ...!

മുകളിലേക്ക്
കയറും തോറും
അതിന്റെ ചക്രങ്ങളില്‍ പെട്ട്
ചെറിയ കല്ലുകള്‍
ചന്നം പിന്നം
താഴേക്ക് പതിക്കും ...!

ആരവങ്ങളില്ലാത്ത
താഴ്വരകളില്‍
എവിടെയൊക്കെയോ
അവ നിശബ്ദതയിലാഴും ...!

അന്നും പതിവ് പോലെ
ഞാന്‍ ഉറങ്ങാന്‍ കിടന്നത്
കുതിരവണ്ടിയുടെ
ശബ്ദത്തിനു
കാതോര്‍ത്തു കൊണ്ടായിരുന്നു ...!

എന്നിട്ടും
അന്ന് ഞാനാ
ശബ്ദം കേട്ടില്ല
അല്ലെങ്കില്‍
എന്നെ വിളിച്ചുണര്‍ത്താന്‍
അന്നാ കുതിരവണ്ടി വന്നില്ല
അതുകൊണ്ട് തന്നെ
ഞാനും ഉണര്‍ന്നില്ല ....!!!

വേശ്യ ...!!!



വേശ്യ ...!!!

കവലയില്
പാതയോരത്ത്
അന്നത്തെ
അന്നം കാത്തു
വേശ്യ ...!

ആവശ്യക്കാരെയും
അനാവശ്യക്കാരെയും
ശരീരം കൊണ്ട്
തൃപ്തയാക്കാന്
അവള് ...!

ഉന്മാദം ഉയരാന്
ഇടമില്ലാതിടത്
അവശേഷിക്കുന്ന
മനസ്സും
പോരാത്ത
ശരീരവും
കീശയുടെ
കനത്തില് അമരുന്നു ...!

പൊരിയുന്ന
വയറുകളും
എരിയുന്ന
മനസ്സുകളും
ശരീരം കൊണ്ട്
തൃപ്തയാക്കാന്
മനസ്സും
ശരീരവും ഇല്ലാത്ത
അവള്
വേശ്യ...!

അങ്ങോട്ടും
ഇങ്ങോട്ടും
ഇങ്ങോട്ടും
എപ്പോഴും
എവിടെയും
തയ്യാറായി
അവള്
വേശ്യ ...!!!

കല്ലുകള് ...!!!



കല്ലുകള് ...!!!

മുകളിലേക്കാണ്
ഞാന്
ഈ കല്ലുകളെല്ലാം
കയറ്റി കൊണ്ടുപോകേണ്ടത്

കല്ലുകള്
എന്ന് പറഞ്ഞാല്
അത് ശരിയാവില്ല
വലിയ പാറകള്
എന്ന് തന്നെ പറയേണ്ടിയിരിക്കുന്നു ....!

സാധാരണയില്
എനിക്കിവ
കയ്യിലെടുതോ
തോളിലെടുതോ
ഉരുട്ടിയോ
കൊണ്ട് പോകാവുന്നതാണ് ...!

പക്ഷെ
ഇവക്കാനെന്കില്
കയ്യിലെടുക്കാവുന്ന
വലിപ്പമോ
തോളിലെടുക്കാവുന്ന
ഭാരമോ
അല്ല ഉള്ളത് ...!

ഇനി സഹായിക്കാനാനെന്കില്
ആരുമോട്ടില്ല താനും ...!

ഇനി
ഒന്നുമില്ലെന്കില്
ഉരുട്ടി കയറ്റാമെന്ന് വെച്ചാല്
അതിനു തക്ക
രൂപവുമല്ല
ഇവക്കൊന്നിനും ...!

ഓരോന്നായി
താഴേക്ക്
ഉരുട്ടിയിടാന് മാത്രമായി
എനിക്ക് പക്ഷെ
ഇവയെല്ലാം
മുകളിലെതിച്ചേ പറ്റു ...!

ഇനി ...???

മീശ...!!!



മീശ...!!!

കാണാന്‍
പ്രേംനസീറിനെ
പോലെയൊന്നുമല്ലെങ്കിലും
അച്ഛന്
നസീര്‍ മീശയായിരുന്നു ...!

ചെരിയച്ചാണ്
പൊടിമീശയും
വല്ല്യച്ചാണ്
കൊമ്പന്‍ മീശയും...!

കുട്ടികളെ
പേടിപ്പിക്കുന്ന
കപ്പടാ മീശയായിരുന്നു
അമ്മാമാക്കുണ്ടായിരുന്നത് ...!

ഏട്ടന്
മീശ പക്ഷെ
പൌരുഷത്തിന്റെ
ലക്ഷണമായിരുന്നു ...!

ഇങ്ങിനെയോന്നുമല്ലെങ്കിലും
ഒരു മീശയുണ്ടായാല്‍ മതിയെന്ന്
ഒരുപാട് ആഗ്രഹമുണ്ടെങ്കിലും
എനിക്ക് പക്ഷെ
ഇതുവരെ
മീശയും മുളച്ചിട്ടില്ല ....!!!


ചുവന്ന ഷാള്‍ ...!!!




ചുവന്ന ഷാള്‍ ...!!!

യാത്ര
രാത്രിയിലായതിനാലാകണം
അവള്‍
കൂടെയൊരു
ഷാളും അണിഞ്ഞിരുന്നു ...!

അതൊരു
ചുപ്പ് ഷാള്‍ ആയതു
തീര്‍ച്ചയായും
യാദൃശ്ചികവും ആകണം ...!

എന്നിട്ടും
കൂടിയ ഇരുട്ടില്‍
അവളുടെ
ചുപ്പ് ഷാള്‍
കാറ്റത്ത്‌ പാറിനടന്നു ...!

രാത്രിയുടെ ഇരുട്ടില്‍
അവള്‍ തന്നെ തന്നെ
ലയിപ്പിചെടുക്കവേ
അവശേഷിക്കാന്‍ വേണ്ടിയുമാകം
ആ ചുന്ന നിറം തന്നെ
അവള്‍ തിരഞ്ഞെടുത്തത്‌ ...!

എന്നിട്ടും പക്ഷെ
ആ രാത്രിയില്‍ അവള്‍ക്കു
അലിഞ്ഞു ഇല്ലാതാകാനും
ചുവന്ന ആ ഷാള്‍
അവളുടെ അടയാളമാകാനും
നിമിത്തവുമായില്ല ....!!!



ഉണ്ടയില്ലാ വെടി ...!!!



ഉണ്ടയില്ലാ വെടി ...!!!

വെടിവെച്ചത്
കാടടച്ചാണ്
പക്ഷെ
തോക്കില്‍
ഉണ്ടയില്ലായിരുന്നു ...!

എന്നിട്ടും
വെടി പൊട്ടി
ആളുകള്‍
പരക്കം പാഞ്ഞു ...!

അന്വേഷണമായി
കോടതിയായി
കേസായി
പൊല്ലാപ്പുമായി ...!

അപ്പോഴും
ഉണ്ടയില്ലാതെ
വെടിപൊട്ടിച്ച
എന്‍റെ തോക്ക് മാത്രം
ചിരിച്ചുകൊണ്ടേയിരുന്നു ....!!!



ചിരി ...!!!




ചിരി ...!!!


ഉത്തരത്തിനു
ബലമില്ലാതാകുമ്പോള്‍
മാവിന്‍ ചില്ലകള്‍
അലറി ചിരിക്കുന്നു ...!

സാരി തലപ്പുകള്‍
കളിയാകി ചിരിക്കുന്നു...!

വിഷം നിറച്ച
ചോറ്റു പാത്രം
വീണുടഞ്ഞു
അമര്‍ത്തി ചിരിക്കുന്നു ...!

എല്ലാ ചിരികള്‍ക്കും ഒടുവില്‍
അവയുടെ ഉടമകളും
ചിരിക്കുന്നു ...!

അര്‍ഥം നിറയുന്ന
വ്യര്‍ഥമായ ചിരികള്‍ ...!!!

തീയും പുകയും ...!!!



തീയും പുകയും ...!!!

തീയില്ലാതെ
പുകയുണ്ടാകില്ലെന്നാണ്
പണ്ടുള്ളവരും
ഇന്നുള്ളവരും
പറയുന്നത് ...!

അപ്പോള്‍
തീ കത്തുന്നതിന് മുന്‍പ്
പുകയുന്നതോ ....!!!

അന്നം ...!!!



അന്നം ...!!!

പാത്രം
പൊളിഞ്ഞതാണ്
പഴയതും
പൊട്ടിയതും ...!

എന്നിട്ടും
അതിനു മുന്നിലെ
നിശ്ചല ശരീരത്തിന്
അതിലെ
വറ്റ്കള്‍ക്കിടയിലെ
വെള്ളം പോലും
കൈവിരലുകള്‍ക്കിടയിലൂടെ
ചോര്‍ന്നു പോകാതെ
കാക്കാനാകുന്നില്ല ...!

ശ്രമം തുടരവേ
പിന്നെയും
പാത്രവും
ശരീരവും
ബാക്കി ....!!!

ഒരുമ ...!!!



ഒരുമ ...!!!

ഒരുമയുണ്ടെങ്കില്‍
ഉലക്കമേലും
കിടക്കാമെന്നാണ്
എല്ലാവരും
പറയുന്നത് ...!

ഒരുമയില്ലെങ്കിലും
എങ്ങിനെയാണ്
ഒരു ഉലക്കയിന്മേല്‍
കിടക്കാനാവുക ...?

വെയിലിന്‍റെ നനവ് ...!



വെയിലിന്‍റെ നനവ് ...!

മഴപെയ്തു
മാനം തോര്‍ന്നിരിക്കുന്നു
എന്റെ മട്ടുപ്പാവും
നനവില്‍ നിറഞ്ഞാണ്...!

ഞാനൊരു
കുട ചൂടിയിരുന്നു
എന്നിട്ടും മുറ്റം മുഴുവനും
വറ്റി പോയി ....!

ഇനി ഈ വെയില്‍
മാറിയിട്ട് വേണം
എനിക്കൊന്നു പുറത്തിറങ്ങാന്‍ ...!

കുടയില്ലാതെ
എന്റെ മഴയിലേക്ക്‌ ....!

വേട്ട ....!



വേട്ട ....!

തൊടുക്കുക
ആ വിഷം പുരട്ടിയ
അമ്പുകള്‍
എന്റെ നേരെ തന്നെ ....!

കരുതുക
തന്റെ ആവനാഴിയില്‍
കൂരമ്പുകളും
പിന്നെ കൂടയും ....!

കാരണം
വേട്ടക്കാരനും
വെട്ടയാടപ്പെടുന്നവനും
ഇന്ന്
ഞാന്‍ തന്നെ...!

തീക്ഷ്ണം ...!!!



തീക്ഷ്ണം ...!!!

വാക്കുകള്‍ക്കു മേലെ
അക്ഷരങ്ങള്‍
ജ്വലിക്കവേ
മിഴികളില്‍
നിണം പെയ്യുന്നു ...!

അക്ഷരങ്ങള്‍
അഗ്നിയായി
പെയ്തിറങ്ങി
ഹൃദയത്തിന്റെ
ഓരോ അറകളിലും
വേദനകള്‍
നിറക്കുന്നു ....!

കത്തിയേക്കാള്‍
മുള്ളുകളെക്കാള്‍
എത്ര തീക്ഷ്ണം ...!

അമ്മയും മകളും ...!!!

അമ്മയും മകളും ...!!!

മകള്‍
അമ്മയാകുന്നത്
അമ്മക്ക്
മകളാകുമ്പോള്‍ ....!

അമ്മ
മകളാകുന്നത്
മകള്‍ക്ക്
അമ്മയാകുമ്പോള്‍

മകള്‍ക്ക്
മകളായാലും
അമ്മക്ക്
അമ്മയായാലും
മകളും
അമ്മയും
അമ്മയാകണമെന്നില്ലല്ലോ ...!!!