Tuesday, July 21, 2009

ഞാന്‍ ...!!!



ഞാന്‍ ...!!!


ഇനിയാണ്
എല്ലാം ശരിയാകാന്‍
തുടങ്ങുന്നത്
കാരണം
ഞാന്‍
ശരിയല്ലെന്ന്
ഇന്നെനിക്കു തീര്‍ച്ചയായി ...!

അല്ലെങ്കില്‍ തന്നെ
ഞാന്‍
ശരിയായിരുന്നെന്ന്
എനിക്കെങ്ങിനെ
പറയാനാകും ...!

മറ്റുള്ളവര്‍
എന്നെ പുകഴ്ത്തുകയും
അനുമോദിക്കുകയും
ചെയ്യുന്പോഴും
എനിക്ക് എന്നെക്കുറിച്ചു
അറിയില്ലായിരുന്നു ...!

അതുകൊണ്ടല്ലേ
ഞാന്‍
അവരുടെ പുകഴ്തലുകളില്‍
സ്വയം മറന്നതും ...!

എന്തായാലും
ഇപ്പോഴെങ്കിലും
എനിക്കെന്നെ
അറിയാനായത്
വളരെ നന്നായി
അല്ലെ ....???

Tuesday, July 14, 2009

കാത്തിരിപ്പൂ .....!!!



കാത്തിരിപ്പൂ .....!!!

വാടിക്കരിഞ്ഞു

വളഞ്ഞ് ഒടിയുന്ന

നേരത്താണ്

മരണം

വാതിലിലെത്തി നില്‍ക്കുക

ആര്‍ക്കും

ഒരിക്കലും
വേണ്ടാത്ത

മരണമെന്ന്

പലരും പറയുമ്പോഴും

മറ്റു പലരും

കാത്ത്
കാത്തിരിക്കുന്ന
അതേ മരണം ....!


ഒരുതരം

ആവേശത്തോടെ

വാരിപ്പുണരാന്‍
വെമ്പുന്ന
മരണം ...!


എന്നിട്ടും

മരണം മാത്രം

അവരെ
വിട്ടു നില്‍ക്കുന്നു

അവരുടെ

കര്‍മ്മ ബന്ധങ്ങളുടെ

ഭാണ്ഡം
ഒഴിയുന്നതും
കാത്ത് .....!!!

Monday, July 6, 2009

പേര് ...!!!



പേര് ...!!!

എന്റെ
പുസ്തകത്തിന്
ഞാനിടാന്‍ വെച്ച
പേരായിരുന്നു
അത് ...!

നാളും
സമയവും നോക്കി
പേരിടല്‍ നടത്തി
ഐശ്വര്യമായി
തുടങ്ങാന്‍
ഞാന്‍ കരുതിവെച്ച
പേര് ...!

പേര്
കണ്ടു വെച്ചുവെങ്കിലും
അതിടാനുള്ള
പുസ്തകതിലേക്കായി
യാതൊന്നും
തയ്യാറായിരുന്നില്ല
അതുവരെയും ...!

ഞാനെഴുതുന്നതൊക്കെയും
എനിക്ക്
വലിയവയെങ്കിലും
മറ്റുള്ളവര്‍ക്കും
അങ്ങിനെ ആകണമല്ലോ ...!

അങ്ങിനെ
മറ്റുള്ളവര്‍ക്ക് കൂടി
ഇഷ്ട്ടമാകുന്നതോന്നും
ഇതുവരെയും
എഴുതാനുമായിട്ടില്ല ...!

എങ്കിലും
നാലാള് കൂടുമ്പോള്‍
ഒന്ന് പുകഴ്ത്തി പറയാന്‍
ഞാന്‍ കരുതിവെച്ചിരുന്ന
ഒരു നല്ല പേര് ...!

അതാണ്‌ പക്ഷെ
ഇപ്പോള്‍
നഷ്ട്ടമായിരിക്കുന്നത് ..!

അതുകൊണ്ട് തന്നെ
ഞാന്‍ ആ പദ്ധതിയും
ഉപേക്ഷിക്കെണ്ടിയിരിക്കുന്നു ...!

ഒന്നുമില്ലെങ്കിലും
ഒരു പേരുപോലുമില്ലാതെ
പിന്നെങ്ങിനെ ...???