Sunday, August 30, 2009

ഞാന്‍ കാണുന്നത് ...!!!



ഞാന്‍ കാണുന്നത് ...!!!

വട്ടത്തില്‍
നോക്കുമ്പോള്‍
എനിക്ക് കാണുന്നത്
വട്ടത്തില്‍ തന്നെ ...!

നീളത്തില്‍ നോക്കുമ്പോള്‍
എനിക്ക് കാണുന്നത്
നീളത്തില്‍ തന്നെ ...!
ഞാന്‍ കാണുന്നത് ...!!!

ചതുരത്തില്‍
നോക്കുമ്പോള്‍
ഞാന്‍ കാണുന്നത്
ചതുരത്തിലും ...!

അപ്പോള്‍
ഇതില്‍ ഏതാണ്
യഥാര്‍ത്ഥ രൂപം ....???

Monday, August 24, 2009

യാത്ര ....!!!



യാത്ര ....!!!

ചന്ദനവും
നെയ്യും നിറച്ച്
അതിനു മുകളില്
പട്ടു വിരിച്ച്....!

അവശേഷിക്കുന്നത്
ഇനി
നിമിഷങ്ങള്
മാത്രം ....!

ബാക്കിയാകുന്നത്
വായില് തിരുകിയ
അരിയും പൂവും ...!

വെള്ളം പോലും
എങ്ങോ ഒഴുകിയിറങ്ങി ...!

ഒന്നും ഇല്ലാത്ത
ഈ യാത്രക്ക് മുന്പ്
എന്തിനായിരുന്നു
എല്ലാം ...???

Monday, August 17, 2009

പകുതി വെന്തത്‌ ...!!!



പകുതി വെന്തത്‌ ...!!!

ഇറച്ചിയാണ്
ഇന്നത്തെ ഭക്ഷണം ...!

തീ കുറവായതിനാല്‍ ആകണം
പകുതിയേ വേവുന്നുള്ളൂ
ഇനിയും കത്തിക്കാന്‍
വിറകില്ല
അടുപ്പുമില്ല ....!

പകുതി വെന്തതിനു
ഭക്ഷണം
എന്ന് പറയാനാവില്ല
ഇറചിയെന്നും
പറയാനാവില്ല ...!

പിന്നെന്തു പറയും ....!!!

Tuesday, August 11, 2009

ചുവട് ...!!!



ചുവട് ...!!!

കാലുകള്‍
നിലത്ത്
ആഴത്തില്‍
ചവിട്ടി ഉറപ്പിച്ചാണ്
ഞാനെന്‍റെ
ചുവടുകള്‍
തുടങ്ങിയത് ....!

എന്നിട്ടും
കാല്‍കീഴിലെ
മണ്ണ് മുഴുവനും
ഒലിച്ച്പോയപ്പോള്‍
ചുവടു തെറ്റി
അടിയും തെറ്റി ...!!!

Thursday, August 6, 2009

മനസ്സ് ...!!!



മനസ്സ് ...!!!

മഞ്ഞു പെയ്യുന്ന
മനസ്സും
മഴ പെയ്യുന്ന
മനസ്സും
കാത്തിരിക്കുന്നത്
വസന്തത്തിനു വേണ്ടി ...!

വസന്തം കഴിഞ്ഞാലും
പിന്നെയും
മനസ്സ് കാത്തിരിക്കുന്നത്
മഞ്ഞിനും
മഴയ്ക്കും വേണ്ടി ...!

മഴയ്ക്കും
മഞ്ഞിനും ഇടയില്‍
പിന്നെയും കാലങ്ങളുള്ളതും
കാഴ്ച്ചകളുള്ളതും
മനസ്സെന്തേ
മനസ്സിലാക്കുന്നില്ല ...???